Kartvelișvili: “Kollektiv Qərb” bütün kapitalları Rusiyada olan iki rusiyalı milyarderi sanksiya siyahısından çıxarıb, İvanişvili isə hələ də sanksiyalardadır

“Xalqın Gücü” hərəkatının üzvü Davit Kartvelişvili sosial şəbəkədə yazdığı paylaşımda Avropa İttifaqının rusiyalı milyarderlər Əlişer Usmanov və Mixail Fridmanı sanksiya siyahısından çıxarmasını, eyni zamanda Bidzina İvanişvilinin sanksiyalar altında qalmasını müqayisə edib və Qərbin sanksiya siyasətini tənqid edib.

InterPress.ge xəbər verir ki, Avropa İttifaqı sentyabrın 22-də Rusiyaya qarşı fərdi sanksiyaları daha 36 ay müddətinə uzadıb, lakin Əlişer Usmanov və Mixail Fridmanı sanksiya siyahısından çıxarıb.

Kartvelişvili Bidzina İvanişvilinin “heç bir fakt olmadan” və “mövcud olmayan Rusiya təsirlərinin lobbiçiliyi” səbəbilə sanksiyaya məruz qaldığını iddia edib və Qərbin oliqarxik sisteminin dağılmalı olduğunu bildirib.

“Bugünkü qeyri-formal oliqarxik idarəçiliyin nəzarətində olan ‘ədaləti’ bütün çılpaqlığı ilə görmək istəyirsinizsə, dünən baş verən faktın sadə təhlili kifayətdir: kollektiv Qərb iki rusiyalı milyarderi – Usmanov və Fridmanı sanksiya siyahısından çıxardı. Onlar nəinki Rusiya təsirlərini daşıyırlar, hətta bütün kapitallarını birbaşa Rusiyada saxlayırlar.

Bununla paralel olaraq, mesenat və xeyriyyəçi Bidzina İvanişvili sanksiyalar altında qalır. O, söz-söhbətlər əsasında, heç bir fakt olmadan, mövcud olmayan ‘Rusiya təsirlərinin lobbiçiliyi’ səbəbilə sanksiyaya məruz qalıb.

Ona görə də – oliqarxiyaya atəş!!! Çürümüş Qərb oliqarxik sistemi dağıdılmalıdır!!!” – deyə Davit Kartvelişvili yazıb.