Elizbarişvili işi üzrə zərərçəkənlərin vəkili: “Elizbarişvili peşman olsaydı, vəziyyətini yüngülləşdirə bilərdik”

Tamaz Elizbaraşvili işi üzrə zərərçəkənlərin vəkili Arçil Berianidzenin sözlərinə görə, təqsirləndirilən şəxsin tərəfi zərərçəkənlərlə öz təşəbbüsü ilə əlaqə saxlayıb.

InterPress.ge xəbər verir ki, vəkilin sözlərinə görə, zərərçəkənlər Elizbaraşvili törətdiyi əməli etiraf edib peşmanlığını ifadə edəcəyi təqdirdə, onun hüquqi vəziyyətinin yüngülləşdirilməsi üçün müəyyən addımlar atmağa hazır olublar.

Vəkil bildirib ki, təqsirləndirilən şəxs istintaqa onun fiziki zorakılığa məruz qalması ilə bağlı yalan məlumat verib. Berianidze bunu “tamamilə yalan” adlandırıb və məsələ ilə bağlı müvafiq hüquqi tədbirlər görəcəklərini açıqlayıb.

“Biz zərərçəkənlər olaraq öz təşəbbüsümüzlə təqsirləndirilən tərəfə və onların hüquqlarını müdafiə edən vəkillərə müraciət etməmişik. Bizimlə əlaqə saxlamaq onların təşəbbüsü olub və onlar zərərçəkən tərəf olaraq mövqeyimizi öyrənmək istəyiblər.

Bir neçə vəkillə mövqeyimizi bölüşdük və bildirdik ki, əgər Tamaz Elizbaraşvili ona qarşı irəli sürülən ittihamı etiraf edib peşmanlığını ifadə edərsə, bizim tərəfdən onun hüquqi vəziyyətini yüngülləşdirə biləcək müəyyən mövqe bildirmək imkanımız var.

Lakin bundan sonra Tamaz Elizbaraşvili tərəfindən yenidən müəyyən addımlar atıldı. Konkret olaraq, o, istintaqa fiziki zorakılığa məruz qalması ilə bağlı yalan məlumat verib. Bu, tamamilə yalandır və bununla bağlı müvafiq hüquqi tədbirlər görəcəyik.

Zərərçəkənlərdən aldığım məlumata görə, mən onların nümayəndəsi kimi cinayət işinə qoşulmazdan əvvəl də təqsirləndirilən şəxsin vəkilləri onlarla birbaşa əlaqə saxlamaq istəyiblər və cinayət işi ilə bağlı mövqelərini şəxsən özlərindən eşitmək istəyiblər. Mən işə qoşulduqdan sonra isə şəxsən mənimlə əlaqə saxladılar”, – deyə vəkil bildirib.