Statusu dondurulmuş tələbələrə başqa universitetə keçid imkanı veriləcək
2026–2027-ci tədris ili üçün ali təhsil islahatı çərçivəsində dövlət tərəfindən təsis edilmiş ali təhsil müəssisələrində müəyyən təhsil proqramlarına tələbə qəbulunun məhdudlaşdırılması ilə əlaqədar statusu dondurulmuş tələbələrə universitetdə statuslarının bərpasından imtina edildiyi halda, başqa ali təhsil müəssisəsinə keçid imkanı veriləcək.
InterPress.ge xəbər verir ki, bu barədə Gürcüstan Təhsil İdarəetmə İnformasiya Sistemi məlumat yayıb.
Məlumata görə, 2026–2027-ci tədris ili üçün dövlət tərəfindən təsis edilmiş ali təhsil müəssisələrinin tələbə qəbul edə biləcəyi təhsil proqramları və tələbə sayı müəyyənləşdirilib.
Bununla əlaqədar, statusu universitet tərəfindən tələbə qəbulunun məhdudlaşdırıldığı təhsil proqramında dondurulmuş və məhz bu səbəbdən statusunun bərpasından imtina edilən tələbələrə 2026–2027-ci tədris ilində mobilik hüququ veriləcək.
Belə tələbələr təhsil müddətinin nə qədər davam etməsindən asılı olmayaraq, təhsillərini başqa ali təhsil müəssisəsində davam etdirə biləcəklər.
Mobilik hüququndan istifadə etmək üçün tələbə ərizə ilə Təhsil İdarəetmə İnformasiya Sisteminin (EMIS) hüquqi şəxsinə müraciət etməlidir. Ərizə əsasında EMIS tələbənin müəyyən edilmiş qayda və müddətlərə uyğun olaraq mobilik prosesində iştirakını təmin edəcək.
2026–2027-ci tədris ilinin payız semestri üzrə mobilik portalında qeydiyyat avqustun 24-də başlayacaq və sentyabrın 8-i saat 18:00-dək davam edəcək.
Əlavə məlumat üçün Təhsil İdarəetmə İnformasiya Sistemi ilə (+995 32) 2 200 220 nömrəsi və ya [email protected] elektron poçt ünvanı vasitəsilə əlaqə saxlamaq mümkündür.
