Marneulidə bədbəxt hadisə zamanı orta yaşlı kişi həyatını itirdi

Marneulidə baş verən bədbəxt hadisə nəticəsində orta yaşlı kişi həyatını itirib.

InterPress.ge xəbər verir ki, hadisə avqustun 18-də baş verib.

Məlumata görə, kişi günəş panellərinin quraşdırılması zamanı hündürlükdən yıxılıb.

Daxili İşlər Nazirliyindən bildirilib ki, faktla bağlı Gürcüstan Cinayət Məcəlləsinin 240-cı maddəsi ilə istintaq aparılır. Sözügedən maddə tikinti işlərinin aparılması zamanı əmək təhlükəsizliyi qaydalarının pozulmasını nəzərdə tutur.