Gürcüstanda güclü yağış, dolu və külək gözlənilir – Xəbərdarlıq edildi

Gürcüstanda avqustun 9-dan 11-dək fasilələrlə yağış yağacağı, bəzi ərazilərdə isə güclü leysanların müşahidə olunacağı gözlənilir.

InterPress.ge xəbər verir ki, bu barədə Gürcüstan Milli Ətraf Mühit Agentliyi məlumat yayıb.

Agentliyin bildirdiyinə görə, avqustun 9-da sahilyanı rayonlarda, Acarıstan-Quriya, Sameqrelo-Zemo Svaneti, Raça-Leçxumi və Aşağı Svaneti, həmçinin Samtsxe-Cavaxeti regionlarının dağlıq ərazilərində, avqustun 10-11-də isə Kaxeti, Kvemo Kartli və Mtsxeta-Mtianeti bölgələrində bəzi yerlərdə güclü yağış yağacağı proqnozlaşdırılır.

Məlumata görə, bəzi ərazilərdə şimşək, dolu və küləyin güclənməsi də mümkündür.

Milli Ətraf Mühit Agentliyi bildirir ki, güclü yağıntılar kiçik çaylarda daşqınlara, dağlıq və təpəlik ərazilərdə isə sürüşmə və sel proseslərinin yaranmasına və aktivləşməsinə səbəb ola bilər.

Təhlükə səviyyəsi orta qiymətləndirilir.