Nino Tsilosani: "Studio Monitor" illərdir yalan və siyasi manipulyasiya yayır"
Gürcüstan parlamenti sədrinin müavini Nino Tsilosani "Facebook" platformasında "Studio Monitor" səhifəsinin silinməsinə münasibət bildirərək, sözügedən media qurumunu yalan və siyasi manipulyasiya yaymaqda ittiham edib.
InterPress.ge xəbər verir ki, Nino Tsilosani bu barədə sosial şəbəkədə paylaşım edib. O bildirib ki, uzun illərdir "Studio Monitor" özünü müstəqil media kimi təqdim etsə də, əslində əsasən yalan məlumatların və siyasi manipulyasiyaların yayılması ilə məşğul olub. Onun sözlərinə görə, faktlar əvəzinə yalan və manipulyasiyaya üstünlük verənlər öz etibarlılıqlarını şübhə altına alırlar.
Tsilosani qeyd edib ki, "Studio Monitor"un yaydığı yalan məlumatlardan biri də onun yaşadığı evlə bağlı olub.
"Təəssüf ki, illərdir 'Studio Monitor' özünü müstəqil media kimi təqdim edir, əslində isə əsasən yalan və siyasi manipulyasiya yayır. Onların yaydığı yalanlardan biri də mənim yaşadığım evlə bağlı idi. Reallıq isə çox sadədir – mənim mənzilimin məbədlə heç bir əlaqəsi yoxdur. Onları birləşdirən yeganə məqam odur ki, məbəd mənim evimdən gözəl görünür və hər səhər məbəd zənglərinin səsini eşitmək mənim üçün böyük xoşbəxtlikdir.
Faktlar əvəzinə yalan və manipulyasiyanı seçənlər cəmiyyətə onların etibarlılığı ilə bağlı suallar vermək üçün ən böyük əsası yaradırlar. Bu dəfə isə həmin suallara cavabı elə "Facebook"un özü verdi – "Studio Monitor"un səhifəsi sosial şəbəkədən silindi", – deyə Nino Tsilosani paylaşımında bildirib.
