Tbilisi Şəhər Şurası qarşısında keçirilən aksiya zamanı 10 nəfər saxlanılıb

Tbilisi Şəhər Şurasının binası yaxınlığında keçirilən aksiya zamanı saxlanılan şəxslərlə bağlı Gürcüstan Daxili İşlər Nazirliyi açıqlama yayıb.

InterPress.ge xəbər verir ki, nazirliyin məlumatına görə, ictimai məkanda təhqiramiz məzmunlu plakatlar tutan 10 nəfər saxlanılıb.

Bəyanatda bildirilir ki, Patrul Polisi əməkdaşları Tbilisi Şəhər Şurasının ətrafında həmin şəxsləri saxlayıblar.

Nazirliyin məlumatına əsasən, saxlanılanlar təhqiramiz ifadələr səsləndirib, ictimai asayişi pozub və hüquq-mühafizə orqanlarının əməkdaşlarına müqavimət göstəriblər.

Onlar Gürcüstanın İnzibati Xətalar Məcəlləsinin 166-cı və 173-cü maddələri ilə inzibati qaydada saxlanılıblar.