Gürcüstanda elektrik enerjisinin verilişi ölkə üzrə tam bərpa olunub

Gürcüstanda elektrik enerjisinin verilişi artıq ölkə üzrə tam bərpa edilib.

InterPress.ge xəbər verir ki, bu barədə Gürcüstan Dövlət Elektrik Sistemi məlumat yayıb.

Xatırladaq ki, iyulun 24-də saat 00:11 radələrindən etibarən həm Tbilisidə, həm də ölkənin digər regionlarında elektrik enerjisinin verilişi dayandırılmışdı.

Elektrik enerjisinin kəsilməsinin səbəbinə gəlincə, Dövlət Elektrik Sistemində bildirilib ki, qəzanın dəqiq səbəblərinin müəyyənləşdirilməsi istiqamətində işlər davam edir və bununla bağlı ictimaiyyətə əlavə məlumat veriləcək.