Qardabanidə qrup halında zorakılıq etməkdə təqsirləndirilən iki nəfər saxlanılıb

Gürcüstan Daxili İşlər Nazirliyinin Kvemo Kartli Polis Departamentinin Qardabani Rayon İdarəsinin əməkdaşları qrup halında zorakılıq etmək ittihamı ilə 2 nəfəri saxlayıb.

InterPress.ge xəbər verir ki, istintaqla müəyyən edilib ki, təqsirləndirilən şəxslər məişət zəminində baş vermiş mübahisə zamanı kənd sakinini fiziki zorakılığa məruz qoyaraq hadisə yerindən qaçıblar.

Hüquq-mühafizə orqanlarının əməkdaşları həyata keçirilən əməliyyat-axtarış və istintaq tədbirləri nəticəsində hər iki təqsirləndirilən şəxsi hadisədən qısa müddət sonra saxlayıblar.

Faktla bağlı Gürcüstan Cinayət Məcəlləsinin 126-cı maddəsinin 1¹-ci hissəsi ilə istintaq aparılır. Həmin maddə 2 ilədək azadlıqdan məhrumetmə cəzasını nəzərdə tutur.