ABŞ İrana qarşı hava zərbələrinin yeni dalğasına başlayıb

ABŞ Silahlı Qüvvələri İrana qarşı yeni hava zərbələri həyata keçirməyə başlayıb.

InterPress.ge xəbər verir ki, bu barədə ABŞ Mərkəzi Komandanlığı (CENTCOM) X sosial şəbəkəsində məlumat yayıb.

"CENTCOM İrana qarşı hava zərbələrinin yeni dalğasına başlayıb. Bu, əməliyyatın ardıcıl olaraq doqquzuncu gecəsidir", – deyə komandanlığın açıqlamasında bildirilir.

CENTCOM-un məlumatına görə, zərbələrin məqsədi İranın Hörmüz boğazında hərəkət edən ticarət gəmilərinə və dənizçilərə qarşı hücumlarda istifadə olunan hərbi imkanlarını zəiflətməkdir.

ABŞ hərbi komandanlığı əməliyyatların bu məqsədlə davam etdiriləcəyini bildirib.