Külli miqdarda marixuananın qanunsuz saxlanılması və satışına yardım etməkdə təqsirləndirilən Misir vətəndaşı saxlanılıb
Gürcüstan Daxili İşlər Nazirliyinin məlumatına görə, Abxaziya Muxtar Respublikası Polis Departamentinin əməkdaşları xüsusilə külli miqdarda narkotik vasitənin qanunsuz əldə edilməsi, saxlanılması və satışına yardım etmək ittihamı ilə Misir Ərəb Respublikası vətəndaşını Tbilisidə saxlayıblar.
InterPress.ge xəbər verir ki, hüquq-mühafizə orqanlarının əməkdaşları saxlanılan şəxsin üzərində və bel çantasında apardıqları axtarış zamanı xüsusilə külli miqdarda – 4 kiloqram marixuananı maddi sübut kimi götürüblər.
Nazirliyin məlumatına əsasən, aparılan istintaq tədbirləri nəticəsində narkotik vasitələrin qablaşdırılması üçün istifadə olunan materiallar da aşkar edilərək maddi sübut kimi müsadirə olunub.
Faktla bağlı Gürcüstan Cinayət Məcəlləsinin 260-cı və 260⁴-cü maddələri ilə istintaq aparılır. Sözügedən maddələr 20 ilədək və ya ömürlük azadlıqdan məhrumetmə cəzasını nəzərdə tutur.
