Aİ-nin 8 üzv dövləti Serbiya ilə danışıqların növbəti mərhələsinin açılmasına qarşı çıxıb

Mediada yayılan məlumata görə, Avropa İttifaqının səkkiz üzv dövləti, o cümlədən Niderland, İsveç, Litva, Latviya və Estoniya, Serbiyanın Aİ-yə üzvlük danışıqları çərçivəsində üçüncü klasterin açılmasına etiraz edir.

InterPress.ge xəbər verir ki, Niderland bu mövqeyini qanunun aliliyi ilə bağlı narahatlıqlarla, digər ölkələr isə Serbiyanın Rusiyaya qarşı sanksiyalar məsələsində tutduğu mövqelə əsaslandırır.

Məlumata görə, Aİ səfirlərinin iclasında Estoniya, Latviya, Litva, Belçika, Niderland, İsveç, Bolqarıstan və Xorvatiya Serbiya üçün üçüncü klasterin açılmasına qarşı çıxıblar.

Bu ölkələrin nümayəndələri bildiriblər ki, qərarın əsas səbəbləri qanunun aliliyi sahəsində mövcud problemlər, eləcə də Serbiyanın Rusiya ilə bağlı siyasətidir.

Serbiya Prezidenti Aleksandar Vuçiç isə bəyan edib ki, ölkəsinə Rusiyaya qarşı sanksiyalar tətbiq etməsi və rus mediasının fəaliyyətini məhdudlaşdırması üçün təzyiq göstərilir.

Vuçiç vurğulayıb ki, bütün təzyiqlərə baxmayaraq, Serbiya öz siyasətini dəyişməyəcək.

“Müasir dünyada azad olmaq çətindir”, – deyə Serbiya Prezidenti bildirib.