Batumidə dənizdə itkin düşən gəncin meyiti tapılıb

Batumidə xilasedicilər 3 gün əvvəl dənizdə itkin düşən gənc kişinin meyitini aşkarlayıblar.

InterPress.ge xəbər verir ki, bu barədə Gürcüstanın Fövqəladə Halların İdarə Olunması Xidməti məlumat verib.

Qurumun açıqlamasına görə, xilasedicilər üç gün davam edən axtarış-xilasetmə əməliyyatından sonra meyiti dünən tapıblar.

Mövcud məlumata əsasən, gənc dənizə daxil olub, lakin sonradan sahilə qayıda bilməyib.