Qızıl bahalaşdı – Gürcüstanda 1 qram qızılın yeni qiyməti açıqlandı
Dünya birjalarında qızılın qiyməti yenidən artıb. İyulun 3-də keçirilən son ticarət sessiyasının nəticələrinə əsasən, 1 unsiya qızılın qiyməti 63 ABŞ dolları bahalaşaraq 4 175 dollara yüksəlib.
InterPress.ge xəbər verir ki, Gold Price platformasının məlumatına görə, qiymətli metalın dəyəri gün ərzində 1,5 faiz artıb.
Bununla yanaşı, son bir ay ərzində qızılın qiymətində 8,2 faizlik azalma, illik müqayisədə isə 23 faizlik artım qeydə alınıb.
Oxşar tendensiya gümüş bazarında da müşahidə olunur. Son ticarətin nəticələrinə əsasən, 1 unsiya gümüşün qiyməti 1,79 dollar (2,9 faiz) artaraq 62,4 dollara çatıb.
Buna baxmayaraq, son bir ayda gümüş 17 faiz ucuzlaşıb, illik müqayisədə isə 64 faiz bahalaşıb.
Gürcüstanda 1 qram qızıl və gümüş neçəyədir?
İyulun 3-nə olan məlumata görə, Gürcüstanda 999 əyarlı 1 qram qızılın orta qiyməti 364 lari təşkil edir. Bir gün əvvəl bu göstərici 361 lari idi.
999 əyarlı 1 qram gümüşün qiyməti isə 5,07 laridən 5,29 lariyə yüksəlib.
