İki yeniyetməni avtomobil vurub

Dedoplistsqaro şəhərində baş verən yol-nəqliyyat hadisəsi nəticəsində iki yeniyetmə ağır xəsarət alıb.

InterPress.ge xəbər verir ki, hadisə Hereti küçəsində baş verib.

Hadisə şahidlərinin sözlərinə görə, iki azyaşlı elektrik skuteri ilə yolu keçməyə çalışarkən minik avtomobili onları vurub.

Məlumata görə, hər iki yeniyetmə ağır bədən xəsarətləri alıb.

Yaralılar təcili tibbi yardım briqadası tərəfindən ilkin olaraq Dedoplistsqaro Klinikasına çatdırılıb və onlara ilk tibbi yardım göstərilib.

Daha sonra əlavə tibbi müayinələrin aparılması məqsədilə yeniyetmələrin reanimasiya briqadası vasitəsilə Tbilisiyə aparılması planlaşdırılır.