Marneulidə dava qanla nəticələndi – iki kişi bir-birini bıçaqladı

Marneuli bələdiyyəsinin Böyük Muğanlı kəndində baş vermiş mübahisə zamanı iki kişi bir-birinə bıçaq xəsarətləri yetirib.

InterPress.ge xəbər verir ki, hadisə iyunun 13-də baş verib.

Mövcud məlumata görə, tərəflər bir-birinə soyuq silahla müxtəlif bədən xəsarətləri yetiriblər. Yaralanan hər iki şəxs xəstəxanaya çatdırılıb. Tərəflər arasında mübahisə toyda musiqi sifarişi üstündə yaranıb.

Gürcüstan Daxili İşlər Nazirliyindən bildirilib ki, faktla bağlı Cinayət Məcəlləsinin 117-ci maddəsi ilə istintaq aparılır. Həmin maddə sağlamlığa qəsdən ağır xəsarət yetirməni nəzərdə tutur. Nazirliyin məlumatına görə, hər iki şəxsə ittiham irəli sürülüb.