Ağır yol qəzası can aldı

Batumidə baş verən ağır yol-nəqliyyat hadisəsi ölümlə nəticələnib. Qəza nəticəsində 45 yaşlarında bir kişi hadisə yerində dünyasını dəyişib.

InterPress.ge xəbər verir ki, hadisə Batuminin Fridon Xalvaşi küçəsində baş verib. Mövcud məlumata görə, iki minik avtomobili toqquşub.

Yerli sakinlərin bildirdiyinə əsasən, həyatını itirən şəxs avtomobillərdən birində olan, təxminən 45 yaşlarında kişi olub. O, aldığı ağır xəsarətlər nəticəsində hadisə yerindəcə vəfat edib.

Hadisə yerinə Gürcüstan Daxili İşlər Nazirliyinin əməkdaşları cəlb olunublar və əraziyə baxış keçirilib.

Faktla bağlı araşdırma aparılır. Qəzanın başvermə səbəbləri və digər təfərrüatlar istintaq çərçivəsində müəyyənləşdiriləcək.