Azərbaycanın Gürcüstandakı keçmiş səfiri Dursun Həsənov vəfat edib

Azərbaycanın Gürcüstandakı keçmiş fövqəladə və səlahiyyətli səfiri Dursun Həsənov vəfat edib.

InterPress.ge xəbər verir ki, sabiq səfir Bakıda yaşadığı evdə dünyasını dəyişib. Bildirilir ki, Dursun Həsənovun ölümünə ürək çatışmazlığı (infarkt) səbəb olub.

Məlumata əsasən, mərhumla vida mərasimi bu gün saat 11:00-da Bakıda yerləşən Təzə Pir məscidində keçiriləcək. Dursun Həsənov Bakı şəhərində torpağa tapşırılacaq.

Dursun Həsənov əslən Gürcüstanın Marneuli rayonunun Algeti kəndindən idi.

Dursun Həsənov 2017-2020-ci illərdə Azərbaycanın Gürcüstandakı fövqəladə və səlahiyyətli səfiri vəzifəsində çalışıb.