İnterpolun qırmızı bülleteni ilə axtarılan iki Türkiyə vətəndaşı Batumidə saxlanılıb

İnterpolun qırmızı bülleteni ilə beynəlxalq axtarışda olan Türkiyə Respublikasının iki vətəndaşı Gürcüstanda saxlanılıb.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Məlumata görə, Daxili İşlər Nazirliyinin Mərkəzi Kriminal Polis Departamentinin Acarıstan Baş İdarəsinin və Dövlət Təhlükəsizliyi Xidmətinin Antiterror Mərkəzinin əməkdaşları Türkiyə hüquq-mühafizə orqanlarının müraciəti əsasında beynəlxalq axtarışda olan iki nəfəri saxlayıblar.

Nazirliyin açıqlamasında bildirilir ki, saxlanılan şəxslər müxtəlif cinayətlərə görə İnterpolun qırmızı bülleteni ilə beynəlxalq səviyyədə axtarılırdılar.

Hüquq-mühafizə orqanlarının əməkdaşları aparılmış istintaq tədbirləri nəticəsində həmin şəxsləri Batumidə müxtəlif vaxtlarda saxlayıblar.

Hazırda saxlanılan şəxslərlə bağlı qanunvericilikdə nəzərdə tutulmuş ekstradisiya prosedurları həyata keçirilir.