Mənzildə kişi və qadının meyiti aşkarlanıb

Tbilisinin Saburtalo rayonunda yerləşən yaşayış mənzillərindən birində orta yaşlı kişi və qadın ölü vəziyyətdə tapılıb.

InterPress.ge xəbər verir ki, hadisə ilə bağlı istintaq Gürcüstan Cinayət Məcəlləsinin 115-ci maddəsi ilə aparılır.

Həmin maddə intihara təhrik etmə və ya intihara çatdırma faktını nəzərdə tutur.

Hadisənin başvermə səbəbləri və digər təfərrüatlar hüquq-mühafizə orqanları tərəfindən araşdırılır.