Gürcüstanda iribuynuzlu heyvanların sayı azalıb

Gürcüstan Milli Statistika Xidmətinin ilkin məlumatına görə, 2026-cı ilin birinci rübünün sonuna ölkədə iribuynuzlu mal-qaranın sayı ötən ilin müvafiq dövrü ilə müqayisədə 7% azalaraq 801 min baş təşkil edib.

InterPress.ge xəbər verir ki, inək və camışların ümumi sayı 376,2 min baş olub ki, bu da ötən ilin analoji göstəricisindən 5,1% azdır.

Məlumata əsasən, donuzların sayı 152,3 min baş müəyyən edilib ki, bu da əvvəlki ilin müvafiq göstəricisi ilə müqayisədə 0,2% çoxdur.

Quşların sayı isə ötən ilin analoji dövrü ilə müqayisədə 0,5% azalaraq 8,5 milyon baş təşkil edib.

Bununla yanaşı, “Sakstat”ın ilkin məlumatına görə, 2026-cı ilin birinci rübündə süd istehsalı 107,2 milyon litr olub ki, bu da ötən ilin analoji göstəricisindən 1,2% azdır.

Ət istehsalı 18 min ton təşkil edib. Bu göstərici 2025-ci ilin müvafiq dövrü ilə müqayisədə 2,9% çoxdur.

Hesabat dövründə 179,1 milyon ədəd yumurta istehsal olunub ki, bu da ötən ilin analoji göstəricisindən 4,1% çoxdur.