Tbilisidə Xocalı faciəsinin ildönümü ilə bağlı tibbi aksiya keçirildi

Bu gündən Gürcüstanda Xocalı faciəsinin 28-ci ildönümünə həsr olunan anım tədbirlərinə başlanılıb.

İnterPress.ge xəbər verir ki, Azərbaycanın Gürcüstandakı səfirliyinin təşəbbüsü ilə Tbilsidəki klinikalardan birində ödənişsiz ikigünlük tibbi aksiya təşkil olunub.

Aksiyada sosial təminatsız vətəndaşlar və soydaşlarımız da iştirak ediblər. Onlar ödənişsiz olaraq terapevt, kardioloq, LOR və digər həkimlərin müayinələrindən yararlanıblar. Pasiyentlərə həkim məsləhəti verilib və müalicə təyin edilib.

Qeyd edək ki, Xocalı soyqırımına həsr edilmiş anım mərasimləri Tbilisidən başqa, Gürcüstanın Rustavi şəhəri, Marneuli, Qardabani, Bolnisi, Kaspi və Laqodexi rayonlarında da keçiriləcək.(report)