Şəxsi həyatın sirrini pozmaqda ittiham olunan şəxs saxlanılıb

Gürcüstan Prokurorluğunun əməkdaşları şəxsi həyatın sirrini pozma faktı ilə bağlı bir nəfəri saxlayıblar.

InterPress.ge xəbər verir ki, bu barədə Gürcüstan Prokurorluğu məlumat yayıb.

İstintaqla müəyyən edilib ki, təqsirləndirilən şəxs zərərçəkmişə məxsus intim məzmunlu fotoşəkilləri əldə edib və saxlayıb, daha sonra isə həmin görüntüləri sosial şəbəkə vasitəsilə qanunsuz şəkildə yayıb.

Faktla bağlı Sameqrelo-Zemo Svaneti Regional Prokurorluğunun İstintaq İdarəsində araşdırma aparılıb və şübhəli şəxs saxlanılıb.

Ona qarşı Gürcüstan Cinayət Məcəlləsinin 157¹-ci maddəsinin ikinci hissəsi ilə ittiham irəli sürülüb. Sözügedən maddə 5 ildən 8 ilədək azadlıqdan məhrumetmə cəzasını nəzərdə tutur.