Çoxatauri bələdiyyəsində vəziyyət yenidən gərginləşdi

Çoxatauri Bələdiyyəsi qarşısında keçirilən aksiyada vəziyyət gərginləşib. 

InterPress.ge xəbər verir ki, müsəlman icmasının nümayəndələri Bələdiyyə binasına girməyə çalışıblar, ancaq polis onlara icazə verməyib.

"Bizi içəri buraxsınlar və ya kimsə çıxsın və bizimlə danışsın", -  deyə etirazçılar bildiriblər.

Onların sözlərinə görə, dünənki iclasda razılıq əldə olunmayıb.

Az əvvəl müsəlman icmasının nümayəndəsi Quran və İncili aksiya yerinə aparıb. Onun dediyinə görə,  dinlər arasında qarşıdurma biabırçılıqdır.