Nika Qvaramiya Giorgi Kartvelişvilini hədələyir: "Sən belə "böhtan"la morqda olacaqsan"

“Dəyişikliklər naminə Koalisiya”nın lideri Nika Qvaramia MMA döyüşçüsü Giorgi Kartvelişviliyə sosial şəbəkədə cavab verib.

InterPress.ge xəbər verir ki, Qvaramianın paylaşımı Kartvelişvilinin yeni ictimai hərəkatın yaradılması təşəbbüsündən sonra edilib.

Qvaramia Kartvelişviliyə müraciət edərək bildirib ki, “belə ‘razqon’la adətən həbsxanaya yox, morqa düşürlər”.

“Bu düşüncəsiz oğlanın yazdıqlarını oxudum. Maraqlı bir şey deyib: lazım gələrsə, həbsxanaya da gedərəm.

Əgər onu sevən və qayğısına qalan biri varsa, başa salsın ki, belə ‘razqon’la adətən həbsxanaya yox, morqa düşürlər.

Bu yazıq və sadəlövh insanın anons etdiyi şey əxlaq polisi deyil, saxta əxlaq adı altında kütləvi zorakılıq və hesablaşmalara çağırışdır. Bu isə heç vaxt yaxşı nəticə verməyib və verməyəcək. Nə fiziki güc, nə hakimiyyətin dəstəyi, nə də ənənələr və əcdadların arxasında gizlənmək kömək edəcək. Zorakılıq spiralının amansız məntiqi belədir.

Bir gün daha cəsarətli biri 90-cı illərdə işlədilən məşhur ifadəni xatırlayacaq: ‘Spitsa qaraciyərə’.

Əgər 90-cı illərin ən ağır zorakılıq mühitini yenidən qaytarmağa çalışırsınızsa, yaddaşınız zəifdir. Bunu sonuncu dəfə etməyə çalışanların hamısı torpaq altındadır. Həm də görünür ki, əcdadların ən böyük dəyərinin əsasını təşkil edən Bibliyanı da yaxşı bilmirsiniz: ‘Qılınc götürənlərin hamısı qılıncla həlak olacaq’.

Ona görə də, get evinə, sakitləş və yat”, – deyə Nika Qvaramia yazıb.