Qanunsuz silah və döyüş sursatı saxlamaqda təqsirləndirilən şəxs saxlanılıb

Gürcüstan Daxili İşlər Nazirliyinin Mərkəzi Kriminal Polis Departamentinin əməkdaşları odlu silah, döyüş sursatı və partlayıcı qurğunun qanunsuz əldə edilməsi və saxlanılması ittihamı ilə əvvəllər məhkum olunmuş bir nəfəri saxlayıblar.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Məlumata görə, hüquq-mühafizə orqanlarının əməkdaşları təqsirləndirilən şəxsin yaşadığı evdə apardıqları axtarış zamanı maddi sübut kimi 2 avtomatik odlu silah, 13 patron darağı, 544 ədəd patron və 2 əl qumbarası aşkar edərək götürüblər.

Faktla bağlı Gürcüstan Cinayət Məcəlləsinin 236-cı maddəsi ilə istintaq aparılır. Həmin maddə 6 ilədək azadlıqdan məhrumetmə cəzasını nəzərdə tutur.