İran: ABŞ-ın Hörmüz boğazına müdaxiləsinə imkan verməyəcəyik

İran Silahlı Qüvvələrinin "Xatəm əl-Ənbiya" Mərkəzi Qərargahının sözçüsü Ebrahim Zolfəqari ABŞ-ın Hörmüz boğazına müdaxiləsinə imkan verməyəcəklərini bəyan edib.

InterPress.ge xəbər verir ki, Zolfəqari bu barədə İran mediasına açıqlamasında danışıb.

"Bu, İranın qırmızı xəttidir", – deyə o bildirib.

Zolfəqarinin sözlərinə görə, ABŞ Prezidenti Donald Trampın İranda körpülərə zərbələr endiriləcəyi ilə bağlı səsləndirdiyi təhdid cavabsız qalmayacaq.

"İranın cavabı yalnız adekvat olmayacaq, bundan da daha güclü olacaq. İran region boyunca infrastruktur obyektlərini elə məhv edəcək ki, onlardan heç nə qalmayacaq", – deyə İran Silahlı Qüvvələrinin sözçüsü vurğulayıb.