Sakstat: Yanvar-fevral aylarında Gürcüstan iqtisadiyyatı 8.4% artıb

Gürcüstanın Milli Statistika Xidməti – Sakstat tərəfindən açıqlanan ilkin qiymətləndirməyə əsasən, 2026-cı ilin fevral ayında ölkənin real ümumi daxili məhsulu (ÜDM) ötən ilin eyni dövrü ilə müqayisədə 8.8% artıb.

InterPress.ge xəbər verir ki, yanvar-fevral ayları üzrə orta iqtisadi artım göstəricisi isə 8.4% təşkil edib.

Sakstatın məlumatına görə, fevral ayında iqtisadi artıma əsas töhfə informasiya və kommunikasiya, nəqliyyat və anbarlaşdırma, maliyyə və sığorta fəaliyyəti, emal sənayesi və mədənçıxarma sahələrindən gəlib.

Eyni zamanda, tikinti və energetika sektorlarında azalma qeydə alınıb.