Marneulidən olan yeniyetmə Tbilisi dənizində boğulub

Tbilisidə yerləşən Tbilisi dənizində Marneulinin Kəpənəkçi kəndindən olan 17 yaşlı gənc boğularaq həyatını itirib.

InterPress.ge xəbər verir ki, bu barədə Gürcüstan Daxili İşlər Nazirliyi məlumat verib.

Məlumata görə, gənc həmyaşıdları ilə birlikdə çimmək üçün dənizə gedib.

Nazirlikdən bildirilib ki, hadisə ilə bağlı Gürcüstan Cinayət Məcəlləsinin 115-ci maddəsi ilə istintaq başlanılıb. Sözügedən maddə şəxsi intihar həddinə çatdırmanı nəzərdə tutur.