Kaya Kallas: “Sanksiyalarla bağlı bir neçə tədbir təklif etmişik, lakin bütün üzv dövlətlər onların qəbuluna dəstək vermir”

Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas bildirib ki, Gürcüstanla bağlı sanksiyaların tətbiqi məsələsində Aİ üzv ölkələri arasında fikir birliyi yoxdur.

InterPress.ge xəbər verir ki, bu barədə o, “Evroskop” nəşrinin redaktoru Tamar Nutsubidzenin sualını cavablandırarkən deyib.

“Biz sanksiyaların müxtəlif rejimləri çərçivəsində bir neçə tədbir təklif etmişik. Lakin onların qəbuluna nail ola bilmirik, çünki bütün üzv dövlətlər bu tədbirləri dəstəkləmir. Viza məsələsinə gəlincə, Komissiya ilin sonunadək müəyyən qruplar üçün vizaların dayandırılması mexanizmini və müvafiq qaydaları təqdim edəcək. Bu məsələ birbaşa mənim səlahiyyətimə daxil deyil, buna görə də təfərrüatlı danışa bilmirəm,” – deyə Kallas bildirib.