Latviya iki Gürcüstan vətəndaşını “persona non grata” elan etdi

Latviyanın Xarici İşlər Nazirliyi iki Gürcüstan vətəndaşının ölkəyə girişinə müddətsiz qadağa qoyulduğunu açıqlayıb.

Nazirliyin məlumatına görə, qərar Latviyanın xarici işlər naziri Bayba Brajenin göstərişi ilə qəbul olunub.

“İmmiqrasiya haqqında Qanunun 61-ci maddəsinin ikinci bəndinə əsasən, xarici işlər naziri Bayba Braje iki Gürcüstan vətəndaşını ‘persona non grata’ elan etdi və onlara Latviyaya daxil olmaq müddətsiz olaraq qadağan olundu,” – deyə nazirliyin bəyanatında qeyd olunur.