Marneuli-Sadaxlı yolunda ağır yol qəzası baş verdi - Yaralılar var (FOTO)

Marneuli–Sadaxlı yolunda ağır yol-nəqliyyat hadisəsi baş verib. Hadisə nəticəsində Opel markalı avtomobillə Kia markalı avtomobil toqquşub.

InterPress.ge xəbər verir ki, toqquşmadan sonra Opel markalı avtomobil yoldan çıxaraq aşıb və çevrilib.

Qəza nəticəsində üç nəfər, o cümlədən bir azyaşlı müxtəlif dərəcəli bədən xəsarətləri alıb. Yaralılar təcili tibbi yardım vasitəsilə xəstəxanaya çatdırılıblar.

Hadisə yerinə polis əməkdaşları cəlb olunub, faktla bağlı araşdırma aparılır.