Gürcüstan millisi Millətlər Liqasının "play-off" ilk oyununda Ermənistan üzərində qələbə qazandı

Gürcüstan milli futbol komandası, Millətlər Liqasının "play-off" mərhələsində Ermənistan yığmasına qarşı ilk oyunu qələbə ilə başa vurdu.

Matçda ilk qolu 33-cü dəqiqədə Giorgi Koçoraşvili vurdu. Ardınca, 37-ci dəqiqədə Giorgi Mikautadze fərqlənərək hesab arasındakı fərqi iki topa çatdırdı.

Oyunun ikinci hissəsində, 58-ci dəqiqədə Mikautadze yenidən qol vuraraq dubl etdi, və Gürcüstan matçı 3:0 hesablı qələbə ilə başa vurdu.

Görüş İrəvandakı Vazgen Sarkisyan adına Respublika Stadionunda keçirildi.

Qeyd edək ki, UEFA Millətlər Liqasının B divizionuna yüksələcək komanda Gürcüstan və Ermənistan yığmalarının iki oyunun yekun nəticəsinə əsasən müəyyən olunacaq. Cavab oyunu 23 martda Tbilisidə baş tutacaq.