Rusiya bankında lari ilə valyuta mübadiləsi əməliyyatlarına başlanılıb

Rusiyanın “Toçka” bankı sahibkarlar üçün milli pul lari ilə valyuta mübadiləsi əməliyyatlarına başlayıb.

InterPress.ge xəbər verir ki, kredit təşkilatının nümayəndəsinin sözlərinə görə, Gürcüstan və ya dünyanın istənilən bankına gürcü valyutasını göndərmək mümkündür.

Qeyd olunur ki, bəzi Gürcüstan banklarına göndərilə bilən dollar, avro və rublla yanaşı, Gürcüstanın bütün banklarında ödənişlər də lari ilə aparılacaq.

“Son bir ildə Gürcüstan və Rusiya arasında ticarət dövriyyəsi 2021-ci illə müqayisədə 52% artıb. İndi Rusiya Gürcüstanın əsas ticarət tərəfdaşlarından biridir, ona görə də biz ölkələr arasında qarşılıqlı əlaqə tendensiyasını təşviq edəcək yeni valyuta təqdim etdik”, - bankın nümayəndəsi Anna Davidova bildirib.