08 
Iyl
2020
10:18
1103

Faciə: həbsxanadan sərbəst buraxılan şəxs atasını və babasını öldürdü

Mtsxetada iki nəfər öldürülüb.

InterPress.ge xəbər verir ki, bu barədə Daxili İşlər Nazirliyinin mətbuat xidmətindən bildirilib.

DİN qeyd edib ki, bu mərhələdə hələ heç kim tutulmayıb, istintaq tədbirləri davam etdirilir.

Bu vaxt öldürülənlərin qonşuları İctimai Televiziyanın bir jurnalistinə müsahibəsində hadisənin təfərrüatlarını söylədilər. Onların sözlərinə görə, qətl iki gün əvvəl, gecə gec saatlarda baş verib. Qonşular bu yaxınlarda həbsxanadan çıxan bir gəncin atasını və babasını öldürdüyünü iddia edirlər.

"Məndə olan məlumata görə, qətl gecə, saat dörddə baş vermişdi. O, atasını və babasını yuxuda olarkən öldürüb. Bundan əvvəl onlar arasında münaqişə yaranmışdı. Bu oğlan dörd gün əvvəl həbsdən çıxdı. Cinayətə görə cəza çəkirdi. Yetkinlik yaşına çatmamış həbsxanaya getdi, 15 ilini orada keçirdi. İndi onun 30 yaşı var", - dedi Mtsxeta sakini Mariam Tatişvili.

Cinayət işi 109-cu "ağırlaşdırıcı şəraitdə iki və ya daha çox şəxsin qəsdən öldürülməsi" maddəsi ilə başlanılıb.

Bizimlə əlaqə saxlayın