Gürcüstanın karantinə aldığı iki vətəndaşında koronavirus aşkarlanmadı

Tbilisi Yoluxucu Xəstəliklər Xəstəxanasına yerləşdirilən Gürcüstanın iki vətəndaşında koronavirus təsdiq olunmayıb.

InterPress.ge xəbər verir ki, bu barədə Gürcüstanın Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze məlumat verib.

O deyib ki, həmin pasiyentlərin analiz nümunələri ilə bağlı nəticələr bu gün Almaniyadan alınıb.

Qeyd edək ki, hazırda 4 şəxs Tbilisi Yoluxucu Xəstəliklər Xəstəxanasında koronavirus şübhəsi ilə tibbi nəzarətdə saxlanılır. (Report)