2020-ci ildə kovid-19 ilə mübarizə üçün yaradılan StopCoV fondundan neçə milyon lari xərclənib?
2020-ci ildə KOVID-19 ilə mübarizə üçün yaradılan StopCoV fondundan 132 milyon GEL xərclənib.
InterPress.ge xəbər verir ki, bu barədə Gürcüstan Maliyyə Nazirliyindən məlumat verilib.
İdarədən verilən məlumata görə, 2020-ci ilin sonuna qədər StopCoV fonduna cəlb olunan məbləğ 138,3 milyon GEL təşkil edib ki, bunun da 132,9 milyon GEL-i üç istiqamət ilə ayrılıb: Səhiyyə, Təhsil və Daxili İşlər nazirlikləri vasitəsilə.
Daha dəqiq desək, fonddan 18 yaşa qədər uşaqlar üçün birdəfəlik sosial yardım üçün 122,8 milyon GEL xərclənib. Ancaq Maliyyə Nazirliyinin verdiyi məlumata görə, fond bu istiqamətin tam maliyyələşdirilməsi üçün yetərli deyildi və proqram üçün dövlət büdcəsindən əlavə 65 milyon lari ayrıldı. Proqramın ümumi maliyyəsi 187,8 milyon GEL təşkil edib.
Ötən il StopCoV fondundan pul xərcləmənin bir başqa sahəsi də təhsil müəssisələri üçün təmizləyici və dezinfeksiya avadanlıqlarının alınması olub, hansı ki, Təhsil Nazirliyi xətti ilə 5.7 milyon lari xərclənib.
Üçüncü istiqamət İctimai Təhlükəsizliyi İdarəetmə Mərkəzinin ("112" və "144") artan müraciətlər səbəbiylə mərkəzin IT infrastrukturunun gücləndirilməsinə, həmçinin Daxili İşlər Nazirliyinin nəzdindəki mövcud laboratoriya tərəfindən koronavirusun laborator araşdırmasına və / və ya sürətli testlərinə və bununla əlaqəli digər tədbirlərə aiddir, hansı ki, StopCoV fondundan Daxili İşlər Nazirliyinin xətti ilə 3.6 milyon lari xərcləndi.
Xatırladaq ki, StopCoV fondu ötən ilin mart ayında yaradılıb və şirkətlər və vətəndaşlar bu təşkilata maliyyə köçürə bilər.
