Konstitusiya Məhkəməsinin hakimi: Koalisiya hökuməti ilə bağlı cavabdeh tərəfin mövqeləri aidiyyəti deyil

Gürcüstan Konstitusiya Məhkəməsinin hakimi Eva Qotsiridze “Lelo” partiyasının liderlərindən biri Levan Samuşiaya bildirib ki, koalisiya hökuməti ilə bağlı cavabdeh tərəfin irəli sürdüyü arqumentlər məsələyə aidiyyəti deyil.

InterPress.ge xəbər verir ki, hakim Levan Samuşianın və digər müxalifət nümayəndələrinin açıqlamalarına münasibət bildirib. Müxalifət nümayəndələri qeyd ediblər ki, əgər “Gürcü Arzusu”nun məntiqinə əsaslansaq, hakim partiya da koalisiyanın tərkibində hakimiyyətə gəldiyi üçün hakimiyyətə antikonstitusion yollarla gəlib.

Eva Qotsiridzenin sözlərinə görə, oxşar fikirlər ötən gün də səsləndirilib. O, iddia ərizəsində müxalifət partiyalarının birliyindən bəhs edilməsinin cavabdeh tərəf tərəfindən yanlış başa düşüldüyünü bildirib.

“Düşünürəm ki, bir partiyanın digər partiya ilə əməkdaşlıq etməsi və aralarında memorandumun olması ittihamın mahiyyətini təşkil etmir. Bu hallar yalnız birliyin mövcudluğunu təsdiqləyən faktlar kimi göstərilib.

İttiham tamamilə başqa məqama əsaslanır – birlik faktına. Sübut kimi göstərilən də məhz birlikdir, ayrı-ayrılıqda bir partiyanın digər partiya ilə əməkdaşlıq etməsi deyil. Buna görə də bu, məsələyə aidiyyəti olan arqument deyil. Koalisiyada olmaq birliyin təsdiqi kimi göstərilib. Mən iddia ərizəsini belə başa düşdüm”, – deyə Eva Qotsiridze bildirib.