Marneulidə azyaşlılar arasında bıçaqlanma hadisəsi baş verdi

Marneulinin kəndlərindən birində azyaşlılar arasında bıçaqlanma hadisəsi baş verib.

InterPress.ge xəbər verir ki, hadisə iki azyaşlı arasında yaranan mübahisə zamanı baş verib. Mübahisə nəticəsində azyaşlılardan biri digərinə bıçaqla xəsarət yetirib.

Yaralanan azyaşlı Marneulidə yerləşən "Aversi“ xəstəxanasına çatdırılıb. Şahidlərin verdiyi məlumata görə, onun ayaq və böyrək nahiyələrinə olmaqla, bədəninin iki yerinə bıçaq zərbəsi endirilib.

Hadisə ilə bağlı Daxili İşlər Nazirliyinin əməkdaşları tərəfindən araşdırma aparılır.