Paşinyan: Aİ ilə Gürcüstanın, ABŞ ilə Gürcüstanın barışmasında maraqlıyıq

Ermənistanın Baş naziri Nikol Paşinyan bildirib ki, ölkəsi Avropa İttifaqı ilə Gürcüstan, eləcə də ABŞ ilə Gürcüstan arasında münasibətlərin normallaşmasında maraqlıdır.

InterPress.ge xəbər verir ki, bu barədə Ermənistanın Baş naziri Nikol Paşinyan jurnalistin seçkilərin Gürcüstan-Aİ və Gürcüstan-ABŞ arasında dondurulmuş münasibətlərə necə təsir göstərə biləcəyi ilə bağlı sualını cavablandırarkən danışıb.

Paşinyanın sözlərinə görə, Ermənistan Gürcüstanla strateji tərəfdaşlığın daha da inkişaf etdirilməsinə böyük önəm verir.

“Biz Avropa İttifaqı ilə Gürcüstanın, Amerika Birləşmiş Ştatları ilə Gürcüstanın barışmasında maraqlıyıq və bu, bizim mövqeyimizdir. Bununla yanaşı, əlbəttə ki, Gürcüstanla əməkdaşlığımız və münasibətlərimiz fasiləsiz şəkildə inkişaf edəcək.

Bu ölkə bizim qardaş dövlətimizdir və bizim strateji tərəfdaşlığımız mövcuddur. Heç bir şübhə yoxdur ki, biz münasibətlərimizi gələcəkdə də inkişaf etdirməyə davam edəcəyik”, – deyə Nikol Paşinyan bildirib.