Rusiya Ermənistan meyvələrinin idxalına məhdudiyyət qoyur

Rusiya Ermənistandan sümükmeyvəli meyvələrin və üzümün idxalına məhdudiyyət tətbiq edir.

InterPress.ge xəbər verir ki, bu barədə Rusiya mətbuatı məlumat yayıb.

Rusiyanın Baytarlıq və Fitosanitar Nəzarət üzrə Federal Xidməti – Rosselxoznadzor bildirib ki, Ermənistandan albalı, gilas, ərik, gavalı, şaftalı və üzüm idxalına qoyulan məhdudiyyətlər iyunun 2-dən qüvvəyə minəcək.

Qurumun açıqlamasına görə, qərarın qəbul edilməsinə səbəb meyvə idxalı zamanı qeydə alınan pozuntular olub.

“Rusiyaya Ermənistan meyvələrinin idxalı zamanı pozuntuların sayı artıb”, – deyə Rosselxoznadzorun bəyanatında qeyd olunur.

Məhdudiyyətlərin hansı müddət ərzində qüvvədə qalacağı barədə hələlik əlavə məlumat verilməyib.