Paşinyan: Torpağı itirdik deyirlər, amma o torpaq necə bizim idi?

Ermənistanın baş naziri Nikol Paşinyan Qarabağla bağlı açıqlamasında “torpağı itirdik” fikri ilə razılaşmadığını bildirib.

InterPress.ge xəbər verir ki, Nikol Paşinyan bu bəyanatı Sünik vilayətinin Kornidzor kəndində yerli sakinlərlə görüşü zamanı səsləndirib.

“Deyirlər ki, torpağı itirdik. Amma o torpaq necə bizim idi? Mənə izah edin, necə bizim idi?

Mərhum insanların xatirəsini təhqir etmək istəmirəm, amma deyək ki, bir neçə generalın nəzarəti altında idi və orada buğda əkirdilər – bu, o demək idi ki, torpaq bizim idi?

Necə bizim idi? Necə? İzah edin, necə?

Orada məktəb tikmişdik? Uşaq bağçası tikmişdik? Zavod tikmişdik? Orada yaşayırdıq? Məskunlaşmışdıq? Bizim deyildi”, – deyə Nikol Paşinyan bildirib.