Moskvada 5–9 may tarixlərində mobil internet məhdudlaşdırıla bilər
Rusiyanın paytaxtı Moskva şəhərində 5–9 may tarixlərində mobil internet və SMS xidmətlərinin müvəqqəti məhdudlaşdırılması mümkündür.
InterPress.ge xəbər verir ki, bu barədə Rusiya mediası telekommunikasiya şirkətlərinə istinadən məlumat yayıb.
Məlumata görə, məhdudiyyətlər bayram tədbirlərinə hazırlıq və onların keçirilməsi ilə əlaqədar təhlükəsizlik tədbirləri çərçivəsində tətbiq oluna bilər.
Beeline şirkətinin açıqlamasında qeyd olunur ki, “təhlükəsizliyin təmin edilməsi məqsədilə Moskvada 5–9 may tarixlərində mobil internet və qısa mesaj xidmətləri müvəqqəti məhdudlaşdırıla bilər”.
Şirkət vətəndaşlara internetdən istifadə üçün Wi-Fi şəbəkələrinə qoşulmağı, səsli zənglər üçün isə smartfonların ayarlarında VoLTE funksiyasını aktiv etməyi tövsiyə edib.
