Çotne İvanişvili: Gənclər arasında dialoqun başlanması sevindiricidir

“Gənclər arasında dialoqun başlanması məni çox sevindirir və inanıram ki, bu, müsbət nəticələr verəcək.”

InterPress.ge xəbər verir ki, Çotne İvanişvili bu fikirləri Quriya bölgəsində gənclərlə keçirilən görüşdən sonra səsləndirib.

Onun sözlərinə görə, debat və diskussiya cəmiyyətdə mövcud olan qütbləşmənin aradan qaldırılması üçün ən effektiv vasitələrdən biridir.

Çotne İvanişvili qeyd edib ki, görüş zamanı bir çox aktual mövzular müzakirə olunub, maraqlı suallar səsləndirilib və faydalı cavablar verilib.

“İnanıram ki, bu proses çox yaxşı nəticələr verəcək. Gənclər qarşılarında duran problemlərə məsuliyyətlə yanaşacaq və həmyaşıdlarına dəstək olmağa çalışacaqlar”, – deyə o bildirib.

O əlavə edib ki, belə formatda görüşlərin keçirilməsi vacibdir və gələcəkdə gənclərin daha geniş şəkildə fikir mübadiləsi aparması üçün imkanların artırılacağına ümid edir.