“Kordzi” ləğv edilən konserti ilə bağlı Aİ və mədəniyyət institutlarını tənqid edib

Musiqiçi “Kordzi” ləğv edilən konserti ilə bağlı sosial şəbəkədə paylaşım edib və tədbirin sponsorları – Avropa İttifaqı, Höte İnstitutu və Danimarka Mədəniyyət İnstitutunu tənqid edib. Musiqiçi sözügedən qurumların baş verən vəziyyətə heç bir reaksiya vermədiyini bildirib.

InterPress.ge xəbər verir ki, “Kordzi” təşkilatçıların onun ləğv edilən konserti ilə bağlı mövqelərini bildirməməsini normal hesab etmədiyini və onlardan ən azı cüzi də olsa dəstək görməyin yaxşı olacağını yazıb.

“Qoridə planlaşdırılan konsertlə bağlı:

Qori bələdiyyəsi çıxışımın ləğv edilməyəcəyi təqdirdə tədbirə ev sahibliyi edən məkana ‘qəzəbli kütlə’ səfərbər edəcəyi ilə hədələyib. Bu, həm hökumətyönlü medianın, həm də parlamentin bütün həftə ərzində mənə və tədbirə ev sahibliyi edən məkana qarşı son dərəcə yolverilməz hücumlar həyata keçirməsindən sonra baş verib.

Tədbirin sponsorları – Avropa İttifaqı, Höte İnstitutu və Danimarka Mədəniyyət İnstitutu belə bir vəziyyətdə heç bir reaksiya verməməyi məqbul hesab edirlər.

Mən isə bunun məqbul olmadığını düşünürəm.

Hakim partiyanın konsertlərimi pozması daha bir dib nöqtəsidir. Təşkilatçılardan az da olsa dəstək görsəydim, yaxşı olardı...” – deyə “Kordzi” yazıb.

Musiqiçinin sözlərinə görə, “artıq hər iki həftədən bir siyasi bəyanat yazmaqdan boğaza qədər gəlib”.

Məlumat üçün bildirək ki, “Kordzi”nin sentyabrın 26-na planlaşdırılan konserti baş tutmayacaq.