Bolnisidə yaşlı qadın evində ölü tapılıb

Bolnisi rayonunun Mamxut (Saraçlı) kəndində yaşlı qadın öz evində ölü tapılıb.

InterPress.ge xəbər verir ki, 71 yaşlı qadının meyiti aprelin 6-da axşam saatlarında aşkar edilib.

Qonşuların sözlərinə görə, qadın evdə tək yaşayırdı. Onların bildirdiyinə görə, hadisə yerində qan izləri də görülüb.

Hadisə yerində gecə saatlarında polis və ekspert-kriminalistlər tərəfindən istintaq hərəkətləri aparılıb.