Tbilisidə iki nəfər külli miqdarda narkotik maddənin qanunsuz dövriyyəsinə görə saxlanılıb

Tbilisidə müxtəlif vaxtlarda keçirilmiş əməliyyat-axtarış tədbirləri və istintaq hərəkətləri nəticəsində iki nəfər, xüsusilə böyük miqdarda narkotik maddənin qanunsuz əldə edilməsi, saxlanılması, satılması və satışa cəhd ittihamı ilə saxlanılıb.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Nazirliyin məlumatında qeyd olunur ki, istintaq çərçivəsində hüquq-mühafizə orqanları məhkəmə qərarı əsasında narkotik maddələrin kontrollu alqı-satqısını həyata keçirib və bu prosesin gizli audio-video qeydlərini aparıb.

“Daxili İşlər Nazirliyinin Tbilisi Polis İdarəsinin Vake-Saburtalo Baş İdarəsinin əməkdaşları və Didube-Çuğureti Baş İdarəsinin İstintaq İdarəsinin əməkdaşları tərəfindən keçirilmiş tədbirlər nəticəsində 1973-cü il təvəllüdlü G.G. və 1985-ci il təvəllüdlü, əvvəllər məhkum olunmuş və hal-hazırda şərti cəza altında olan T.B. saxlanılıb.

Qeyd olunan cinayətə görə 20 ilədək və ya ömürlük azadlıqdan məhrumetmə cəzası nəzərdə tutulur.

Polis əməkdaşları məhkəmə qərarına əsasən bir neçə dəfə narkotik maddənin kontrollu alqı-satqısını həyata keçirib və həmin proseslərin gizli audio-video çəkilişlərini aparıb.

Həbs edilən şəxslərin üzərində və göstərdikləri ünvanlarda aparılan axtarış zamanı satış məqsədilə yerləşdirilmiş narkotik vasitələr – “heroin” və “alfa-PVP” maddələri maddi sübut kimi götürülüb.

Faktla bağlı istintaq Gürcüstan Cinayət Məcəlləsinin 260-cı və 19-260-cı maddələri ilə davam etdirilir”, – deyə nazirliyin məlumatında qeyd olunur.