Narkotik cinayətlərinə qarşı əməliyyat – 23 nəfər saxlanılıb

Gürcüstan Daxili İşlər Nazirliyinin Mərkəzi Kriminal Polisi, Tbilisi, Sameqrelo-Zemo Svaneti, Acarıstan, Kvemo Kartli və İmereti polis departamentlərinin əməkdaşları son vaxtlar həyata keçirilən əməliyyat tədbirləri və istintaq hərəkətləri nəticəsində 23 nəfəri narkotik cinayətlərinə görə saxlayıb, onlardan 14-ü narkotik alverçisidir.

InterPress.ge xəbər verir ki, saxlanılanlar arasında Gürcüstan, Azərbaycan, Fransa, Moldova, Rusiya və İran vətəndaşları var.

Xüsusilə böyük miqdarda narkotik maddələrin qanunsuz satışı, satışa cəhd və satışa hazırlıq ittihamı ilə aşağıdakı şəxslər həbs edilib:

• Gürcüstan vətəndaşları: G.A. (1998), G.K. (1983), T.R. (1993), T.K. (1987), D.K. (1997), N.M. (2001), O.D. (2000) və əvvəllər məhkum olunmuş A.Q. (1987), N.K. (2000)

• Xarici vətəndaşlar: R.R. (1997), A.A. (1992), M.P. (1984), E.H. (1979), A.A. (1998)

Böyük miqdarda narkotik maddələrin, o cümlədən marixuananın qanunsuz saxlanılması və Gürcüstana qaçaqmalçılıq yolu ilə gətirilməsi ittihamı ilə aşağıdakı şəxslər saxlanılıb:

• Gürcüstan vətəndaşı: J.G. (1996)

• Xarici vətəndaşlar: S.G. (1999), N.S. (1993), V.K. (2001), V.K. (1997), R.M. (1992), S.M. (1989), S.E. (1980), B.P. (1996)

Bu cinayətlər 20 ilə qədər və ya ömürlük həbs cəzası nəzərdə tutur.

Axtarış zamanı aşkar edilən sübutlar:

Hüquq-mühafizə orqanları tərəfindən saxlanılan şəxslərin şəxsi əşyaları, yaşayış yerləri və avtomobillərində aparılan axtarışlar nəticəsində, eləcə də onların göstərdiyi yerlərdən aşağıdakı narkotik vasitələr aşkar edilərək müsadirə olunub:

• Heroin

• Kokain

• Metadon

• Alfa-PVP

• Marixuana

Bundan əlavə, narkotik satışından əldə edildiyi güman edilən pul vəsaitləri, yapışqan lentlər və elektron tərəzilər sübut kimi götürülüb.

İstintaq Gürcüstan Cinayət Məcəlləsinin 260, 18-260, 19-260, 262, 19-273 prima və 273 prima maddələri üzrə aparılır.