Ər arvadını qətlə yetirdi

Şuaxevi bələdiyyəsində qətl hadisəsi baş verib.

InterPress.ge xəbər verir ki, orta yaşlı kişi arvadını öldürüb.

Yerli əhalinin dediyinə görə, kişi soyuq silahla qadının boğazını kəsib, nəticədə qadın yerindəcə dünyasını dəyişib.

Məlumata görə, arvadını qətlə yetirdikdən sonra orta yaşlı kişi öz bədəninə xəsarət yetirib və bu səbəbdən xəstəxanaya yerləşdirilib.

Hadisənin nədən baş verdiyi məlum deyil.

Hadisə yerinə hüquq-mühafizə orqanlarının əməkdaşları səfərbər olunub, araşdırma aparılır.