Putin Moskvada baş verən terror aktı ilə bağlı ilk açıqlamasını verib

Rusiya prezidenti  Moskvadakı terror aktı ilə bağlı ilk  açıqlama verib.

InterPress.ge xəbər verir ki, hadisədən təxminən 20 saat sonra Rusiya prezidenti televiziya vasitəsilə vətəndaşlara müraciət edib.

O, bildirib ki, hadisədən sonra hücum edənlər Ukraynaya doğru hərəkət ediblər. 
 

"Krokusda terror aktının arxasında duranların hamısı cəzalandırılacaq”, - Putin bildirib.

"Bu cinayətin istintaqı və əməliyyat-istintaq tədbirlərinin nəticələri ilə bağlı hazırda bunları demək olar - terror aktını törədən dörd nəfərin hamısını, onları güllələyib öldürənlərin hamısını tapıb həbs ediblər. Onlar gizlənməyə çalışıblar və Ukraynaya yollanıblar, ilkin məlumatlara görə, onlar dövlət sərhədinin Ukrayna tərəfində tapılıblar.Cəmi 11 nəfər həbs edilib.Rusiya Federal Təhlükəsizlik Xidməti və digər hüquq-mühafizə  orqanları terrorçuların şəriklərini: onları nəqliyyatla təmin edənləri, silah və sursat anbarlarını hazırlayanları müəyyən edib üzə çıxarmaq üçün işləyir. ”- Putin bildirib.

Rusiya prezidenti  martın 24-nü milli matəm günü elan edib, hücumda həlak olanların yaxınlarına başsağlığı verib, hücumu “barbar terror aktı” adlandırıb. O, təcili tibbi yardım briqadalarına, yanğınsöndürənlərə və xilasedicilərə təşəkkür edib.

Putinin qərarına əsasən, ölkənin bütün bölgələrində əlavə antiterror və təxribat əleyhinə tədbirlər tətbiq edilib.

Xatırladırıq ki,  ötən gecə Crocus City Hall-a hücum nəticəsində 115 nəfər ölüb, 140-dan çox insan yaralanıb.

FSB rəhbərinin sözlərinə görə, 11 şübhəli saxlanılıb.